Stalker na naman ako

Ikaw yung lalaking hindi kaguwapuhan pero pag kausap kita manghang mangha ako sa kakayahan mong hindi ipapansin sa akin na may tumatakbong oras.

Hindi ka cum laude, pero sa dami ng naikuwento mo sa akin talo mo pa summa cum laude. Matalino ka sa buhay. Masyadong nakakakilig :”>

Ilang letra pa lang yang natatatype mo sa notes mo pero feeling ko kilalang kilala na kita. Eh siyempre ako kahinaan ko kayo, kayong good communicators. Nakakainis.

Hindi ka talented. Ni hindi ka nga ata nag gigitara, o kumakanta man lang. Pero the best ang boses mo. Boses tulad ng mga walang kinikilingan, walang sinusuportahan, serbisyong totoo lamang.

Isa pa, isa pang kinakikiligan ko sa mga tulad mo eh yang kadaldalan mo. Kadaldalan hindi para buhatin ang sariling bangko mo. Nagtatanong ka. Curious ba. Interesado kahit papano. Dun pa lang tunaw na ako. Isa pang nakakainis.

Sayang di na ata tayo magkakausap. Tapos ka na. Ako naman sasablay pa lang.

Eto ko, stalker mo sa facebook.